ಬಲು ಮೋಸಗಾರ ನೀನು, ಓ ಮುದ್ದು ಮಾಯಾವಿ!
ನನಗೆ ಗೊತ್ತಿಲ್ಲದೆ ನನ್ನ ಹೃದಯ ಕದ್ದಿರುವಿ,
ಈಗ ಸುದ್ಧಿ ಇಲ್ಲದೆ ಎಲ್ಲಿಗೆ ಹೊರಟಿರುವೆ?
ನೀನಿಲ್ಲದೆ ನಾ ಜೀವ ಇಲ್ಲದ ದೇಹವೆ!
ಆ ನಿನ್ನ ತುಂಟ ನಗು, ಹುಸಿ ಕೋಪ
ತೋರುವೆ ನನ್ನ ಮೇಲೆಯೇ ಪ್ರತಾಪ,
ಆ ನಿನ್ನ ಮುದ್ದು ಮುದ್ದು ಮಾತು
ಹಾಯಾಗಿ ಕಳೆವೆ ನಿನ್ನ ಜೊತೆ ಹೊತ್ತು!
ಮುಂಜಾನೆ ನಿನ್ನ ಮುದ್ದು ಮುಖ ನೋಡುತ್ತಾ
ಆ ಕಣ್ಣ ರೆಪ್ಪೆಗಳಿಗೆ ಸಿಹಿ ಮುತ್ತ ನೀಡುತ್ತಾ,
ಆರಂಭಿಸುವೆ ನನ್ನ ಪಾಲಿನ ಸುದಿನವನ್ನು
ದೇವರಂಥ ನಿನ್ನ ಪಾದಗಳ ಸ್ಪರ್ಶಿಸುತಾ!
ನಿನ್ನ ಮಡಿಲ ಮೇಲೆ ಮಲಗಲು ನಾನು
ಪರಿವೇ ಇಲ್ಲದೆ ಮರೆವೆ ರಾತ್ರಿ ಹಗಲು,
ಅದೆಷ್ಟು ಪುಣ್ಯ ಮಾಡಿರುವೆ ನಾನು
ಅಮ್ಮನಂಥ ಮನಸಿನ ನಿನ್ನ ಪಡೆಯಲು!
ನನಗೀ ಜನ್ಮ ಸಾಲದು ನಿನ್ನ ಹೊಗಳಲು
ಸಾರ್ಥಕ ನನ್ನೀ ಜನ್ಮ ನಿನ್ನ ಪಡೆಯಲು,
ನನ್ನ ಕೊನೆ ಉಸಿರು ಇರೋವರೆಗೂ ನಿನ್ನ ಪ್ರೀತಿಸುವೆ
ಸಾವಿರ ಜನ್ಮಕೂ ನಿನ್ನವಳಾಗೇ ಇರುವ ವರ ಬೇಡುವೆ!
-ಸ್ವರು
No comments:
Post a Comment