ಓ ನನ್ನ ಪುಟ್ಟ ಹೃದಯವೇ, ಬಾ
ನನ್ನ ಪ್ರೀತಿಸು ತುಂಬಾ ತುಂಬಾ,
ಈ ಹೃದಯದ ತುಂಬಾ ನೀನೇ ತುಂಬಿರುವೆ,
ನಿನ್ನ ಸನಿಹ ಬೇಕೆಂದು ಚಡಪಡಿಸುತಿರುವೆ,
ಎಂದು ನೀ ಬರುವೆ ನನ್ನ ಬಳಿ?
ಕಾಯುತಿರುವೆ ಪ್ರತಿ ನಿಮಿಷವೂ ನಾನು,
ನನ್ನ ಎಂದೂ ಕಾಯಿಸುತಿರುವೆ ನೀನು.
ನೀನಿರದ ಪ್ರತಿ ಗಳಿಗೆಯಲ್ಲೂ,
ಒಂಟಿತನ ಅತಿಯಾಗಿ ಕಾಡುತಿದೆ
ಎಂದು ನೀ ಬರುವೆ?
ಎನ್ನ ಬಿಗಿದಪ್ಪಿಕೊಳ್ಳುವೆ?
ನಿನ್ನ ಸಿಹಿ ಮುತ್ತಿಗೆ ಕಾಯುತಿರುವೆ.
ನಿನ್ನ ಬಿಸಿಯುಸಿರು ನನ್ನ ಮೈ ಸೋಕಲು
ಎದೆಯಲ್ಲಿ ಏನೋ ಕಚಗುಳಿ,
ಅದೆಂಥ ಮಾಯಗಾರ ನೀನು!
ನಿನ್ನ ನೋಡಿದರೆ ಆ ಕ್ಷಣದ ಸುಖಿ ನಾನು.
ಬೇಗನೆ ಬಂದು ಈ ಮನವನ್ನು ತಣಿಸು
ದಣಿದಿರೋ ಈ ಜೀವಕೆ ಉಪಚಾರ ನೀಡು
ನಿನ್ನ ಸ್ಪರ್ಶವಿಲ್ಲದೆ ಈ ಮನವು ತುಂಬಾ ನೊಂದಿದೆ
ನೀ ದೂರ ಇರುವ ಆ ಕ್ಷಣದಲಿ,
ಸಮಯವೇ ಸರಿಯುತಿಲ್ಲ ಎಂಬ ಭಾಸವಾಗುತಿದೆ.
ಬಿಸಿಯಾದ ಚಹಾದೊಂದಿಗೆ ನಿನ್ನ ಜೊತೆ ಮಾತನಾಡಲು,
ಸಮಯ ಬೇಗ ಹೋದಂಥ ಅನುಭವ.
ಓ ಕಾಲವೇ ಸ್ವಲ್ಪ ತಡೆ,
ಎನ್ನ ಇನಿಯನು ನನ್ನೊಡನೆ ಇರುವಾಗ
ಏಕೆ ನೀ ಬಾಧಿಸುತಿರುವೆ?
ಸ್ವಲ್ಪ ನೀನು ನಿಲ್ಲಬಾರದೇ ನನಗೋಸ್ಕರ,
ನನ್ನೊಡೆಯನ ಜೊತೆ ಮಾತನಾಡಬೇಕು ನಿರಂತರ.
-ಸ್ವರು
No comments:
Post a Comment