ಮುಂಜಾನೆ ವೇಳೆ ಸೂರ್ಯನ ಆಗಮನ
ಎಲೆಗಳ ಮೇಲೆ ಹನಿಗಳ ನರ್ತನ,
ಹಕ್ಕಿಗಳ ಚಿಲಿಪಿಲಿ ಗಾಯನ
ಹರಿವ ನೀರಿನ ಮಧುರ ರಿಂಗಣ!
ಗಿಡಮರಗಳಿಗೆ ಇಬ್ಬನಿಯ ಸ್ನಾನ
ಜೊತೆಯಲಿ ತಂಗಾಳಿಯ ಮಿಲನ,
ಸೂರ್ಯನ ಬಿಸಿ ಹೊಂಗಿರಣ
ಮೆಲ್ಲನೆ ಹೂ ಅರಳುತಿದೆ ಕ್ಷಣ ಕ್ಷಣ!
ಕೋಗಿಲೆಯ ಇಂಪಾದ ಸ್ವರ
ಸಾಗರದಲೆಗಳ ಜೋರಾದ ಅಬ್ಬರ,
ಇನ್ನೂ ಕಾದಿದೆ ಮಸುಕಿನ ಭಾವ
ಆಹಾ ಏನು ಚಂದ ಈ ವೈಭವ!
ಆಹಾರಕ್ಕಾಗಿ ಹಕ್ಕಿಗಳ ಹಾರಾಟ
ಗಿಡದಲ್ಲಿ ಅರಳಿರೋ ಹೂಗಳ ಮೈಮಾಟ,
ಕೆಲಸಕ್ಕಾಗಿ ಮನುಷ್ಯನ ಅಲೆದಾಟ
ನಡೆಯುತಿದೆ ಪ್ರತಿ ಕ್ಷಣವೂ ಹೋರಾಟ!
ಶುರು ಆಯ್ತು ಈ ದಿನದ ಬಯಲಾಟ
ದೇವರು ಕೂತಿರುವನು ನಮ್ಮನೆ ನೋಡುತ,
ಸರಿ ದಾರಿಯಲ್ಲಿ ನಡೆಯುತ್ತಿದ್ದರೆ ಎಲ್ಲಾ ಅದ್ಭುತ
ತಪ್ಪು ದಾರಿಯಲ್ಲಿ ಖಂಡಿತ ಕಾದಿದೆ ಅನಾಹುತ!
-ಸ್ವರು
No comments:
Post a Comment