ಓ ನನ್ನ ಮುದ್ದು ಮುದ್ದು ಜೀವವೇ
ನಿನ್ನ ತರ ಬೇರೆ ಯಾರು ಇರಲು ಸಾಧ್ಯವೇ?
ನೀನು ಬರೋ ತನಕ ನಾ ಆಗಿದ್ದೆ ಒಂಟಿ
ನೀ ಬಂದ ಮೇಲೆ ಇನ್ನು ನಾವು ಜಂಟಿ!
ಕನಸು ಕಾಣೋ ಕಣ್ಣು ನಿನ್ನದಾದರೆ
ಅದ ಕಾಪಾಡುವ ಕಣ್ ರೆಪ್ಪೆ ನನ್ನದು,
ನೀ ಗರ್ಭಗುಡಿಯಲ್ಲಿ ಇರುವ ದೇವರಾದರೆ
ನಾ ನಿನ್ನ ಪೂಜಿಸುವ ಪೂಜಾರಿಯು!
ಈ ಹೃದಯ ಮಿಡಿಯುತಿದೆ ನಿನಗಾಗಿ
ಈ ಮನವು ತುಡಿಯುತಿದೆ ನಿನ್ನ ನೋಟಕ್ಕಾಗಿ,
ಈ ನಾಲಗೆಯು ಜಪಿಸುತ್ತಿದೆ ನಿನ್ನ ಹೆಸರನ್ನು
ಈ ಮೌನವು ನೆನಪಿಸುತಿದೆ ಕಳೆದ ಕ್ಷಣಗಳನ್ನು!
ಬದುಕಿನ ಪ್ರತಿ ಹೆಜ್ಜೆಗೆ ನೆರಳಾಗಿ ಇರುವೆ
ನಿನ್ನ ಕೈ ಹಿಡಿದು ಮುಂದೆ ದಾರಿ ತೋರುವೆ,
ನಿನ್ನ ನೆನಪಿನ ಅರಮನೆಗೆ ನಾ ರಾಣಿಯಾಗಿರುವೆ
ನಿನ್ನ ಕನಸಿನೂರಿಗೆ ನಾನೂ ಪಯಣಿಸುವೆ!
ನೂರಾರು ಕನಸುಗಳ ನಿನಗಾಗಿ ಜೋಡಿಸಿರುವೆ
ನಿನ್ನ ಪ್ರೀತಿಯ ಗುಂಗಿನಲ್ಲೇ ಜೀವಿಸುತಿರುವೆ,
ಬಿಟ್ಟು ಹೋಗಬೇಡ ಇನಿಯ ನೀ ಎಂದೆಂದಿಗೂ
ಚೂರು ಮಾಡದಿರು ಈ ಪುಟ್ಟ ಹೃದಯದ ಕನಸನ್ನು!
-ಸ್ವರು
No comments:
Post a Comment