ಮಳೆಗಾಲದ ಒಂದು ದಿನ
ನಾ ನೋಡುತ್ತಿದ್ದೆ ಮುಸ್ಸಂಜೆ ಬಾನ,
ಆಗಷ್ಟೇ ಮಳೆ ನಿಂತಿದ್ದ ಕ್ಷಣ
ಎಳೆ ಬಿಸಿಲು ನೋಡಿ ಮೈ ರೋಮಾಂಚನ!
ಇಳೆಗೆ ತಂಪನ್ನೆರೆದು ಮಳೆ ನಿಂತಿದೆ
ಆಗಸವು ಈಗಷ್ಟೇ ತಿಳಿಯಾಗಿದೆ,
ನೀಲಿ ಬಾನಿನಲ್ಲಿ ಹಕ್ಕಿಗಳ ಸ್ವಚ್ಛಂದ ಹಾರಾಟ
ಎಷ್ಟು ಸುಂದರ ಪ್ರಕೃತಿಯ ಈ ನೋಟ!
ಸಂಜೆ ಬಿಸಿಲ ಆ ಹೊಂಬಣ್ಣ
ಆಗಸದಲ್ಲಿ ಹೊನ್ನ ರಾಶಿ ಸುರಿದಂತಿದೆ,
ಸುಂದರವಾಗಿ ಕಂಗೊಳಿಸುತಿದ್ದಾಳೆ ಈ ಇಳೆ
ಹೋಗಲಾಡಿಸಿ ತನ್ನ ಮೈಯ ಕೊಳೆ!
ಬಿರುಸಾದ ಮಳೆಯಿಂದ ಒದ್ದೆಯಾಗಿದೆ ನೆಲ
ಎಲ್ಲೆಲ್ಲೂ ಹಚ್ಚ ಹಸುರಿನ ಗಿಡಮರ,
ಎಲೆಗಳ ಮೇಲೆ ಪೋಣಿಸಿದಂತಿದೆ ಮುತ್ತಿನ ಹಾರ
ನಡುನಡುವೆ ಆಕಾಶದಲ್ಲಿ ಮಿಂಚಿನ ಪ್ರಹಾರ!
ಭೂಮಿಯು ಹಸಿರು ಉಡುಗೆಯ ಉಟ್ಟಂತಿದೆ
ಸೂರ್ಯನು ದಿನಚರಿ ಮುಗಿಸಿ ಮರಳುವಂತಿದೆ
ಶಾಲೆಯಿಂದ ಮನೆಗೆ ಬರುತ್ತಿರುವ ಮಕ್ಕಳು
ಕವಿಯಬಹುದು ಸ್ವಲ್ಪ ವೇಳೆಯಲ್ಲಿ ಕತ್ತಲು!
ಮತ್ತೆ ಮಳೆ ಬರಬಹುದೋ ಎಂಬ ಭಯ
ನನ್ನ ಒಡೆಯ ಮನೆಗೆ ಬರೋ ಸಮಯ,
ಅವರಿಲ್ಲಿ ಬಂದ ನಂತರ ಸುರಿಯೋ ಮಳೆರಾಯ
ಕೃಪೆ ತೋರಿ ಒಮ್ಮೆ ನೀಡುವೆಯಾ ಅಭಯ!
- ಸ್ವರು
No comments:
Post a Comment