ನಿನ್ನನು ಕಂಡ ಕಣ್ಣಿಗೆ ಬೇರೇನೂ ಕಾಣುತಿಲ್ಲ
ಬರಿ ನಿನ್ನ ಮೇಲಿದೆ ನನ್ನ ಗಮನವೆಲ್ಲಾ,
ಒಮ್ಮೆ ನೀ ಕರೆದುಬಿಡು ನನ್ನನ್ನು
ನಾ ಬಯಸುತಿಹೆ ನಿನ್ನೀ ಪ್ರೀತಿಯ ಕರೆಯನ್ನು!
ಭುವಿಯ ನೋಡಿ ಬಾನೇ ಕೆಂಪಾದಂತೆ
ಗಾಳಿಯ ಸಿಹಿಮುತ್ತಿಗೆ ಮರಗಿಡಗಳೇ ನಾಚಿದಂತೆ,
ಬಿರುಸಾದ ಮಳೆಯು ಭೂಮಿಯನ್ನೇ ಅಪ್ಪಿಕೊಂಡಂತೆ
ನಿನ್ನ ನೋಡಿದ ಕ್ಷಣಕೆ ನನ್ನೇ ನಾ ಮರೆತಂತೆ!
ನಿನ್ನ ಹಾಡಿಗೆ ನಾ ದನಿಯಾಗುವೆ
ನಿನ್ನ ಕನಸಿನ ಆಗಸದಿ ತಾರೆಯಾಗುವೆ,
ನಿನ್ನ ಜೀವನ ರಥದ ಚಕ್ರವಾಗುವೆ
ನಿನ್ನ ಉಸಿರಿಗೆ ನಾ ಉಸಿರಾಗುವೆ!
ನಡೆಯುವಾಗ ನಿನ್ನ ಕೈಯ ಹಿಡಿದುಕೊಳ್ಳುವೆ
ನಿನ್ನೊಂದಿಗೆ ನಾ ಪ್ರತಿ ಹೆಜ್ಜೆ ಇಡುವೆ,
ನಿನ್ನ ಕಣ್ಣಲ್ಲಿ ನನ್ನೇ ನಾ ಕಾಣುವೆ
ನಾ ನಿನ್ನನೇ ತುಂಬಾ ನೆಚ್ಚಿಕೊಂಡಿರುವೆ!
ನಿನ್ನ ನೋಡಿ ಸೋಲುವುದು ನನ್ನೀ ಹೃದಯವು
ತಿಳಿದೇ ನನ್ನ ಸ್ಥಿತಿ ನಗುವುದು ನಿನ್ನ ಮನವು,
ಮುಳುಗೋ ಸೂರ್ಯನು ಕೊನೆಗೆ ಸಾಗರದಿ ಲೀನ
ಅಂತೆಯೇ ನಿನ್ನ ಮಡಿಲಲ್ಲೇ ಬಿಡಲೇ ನನ್ನ ಪ್ರಾಣ?
-ಸ್ವರು
No comments:
Post a Comment