ಈ ಜೀವನವೇ ದೇವರ
ಅತಿ ದೊಡ್ಡ ಪಾಠಶಾಲೆ,
ಇಲ್ಲಿ ನಾವು ಕಲಿಯುವ
ಅಗತ್ಯವಿಲ್ಲ ಅಕ್ಷರಮಾಲೆ!
ಹಂತ ಹಂತವಾಗಿ
ಕಲಿಯಬೇಕು ಪ್ರತಿಯೊಬ್ಬರೂ,
ಇದನು ಕಲಿಸೋಕೆ
ಗುರುಗಳಿಲ್ಲ ಯಾರೊಬ್ಬರೂ!
ಖಾಲಿ ಹಾಳೆಯಂತಿರುವ ಬದುಕಿನಲ್ಲಿ
ಬರೆಯೋಣ ಬಾಳೋಣ ನಮ್ಮಿಷ್ಟದಂತೆ,
ಈ ಹಾಳೆ ಯಾರ ಕೈಗೂ ಸಿಗದಿರಲಿ
ಸಿಕ್ಕಲ್ಲಿ ನಿಮ್ಮ ಬಾಳು ನಾಯಿಸಂತೆ!
ಇಲ್ಲಿ ಬರುವ ಕಷ್ಟ ಸುಖಗಳು
ಬಂಧುಮಿತ್ರರಂತೆ,
ಯಾವುದೂ ಶಾಶ್ವತ ಅಲ್ಲ
ಬದುಕಲ್ಲಿ ಎಲ್ಲಾ ಕ್ಷಣಿಕವಂತೆ!
ನಿಂದನೆ ಸೋಲು ಅವಮಾನಗಳನ್ನೆದುರಿಸಿ
ನೀವು ಬೆಳೆಯಬೇಕು ತುಂಬಾ ಎತ್ತರ,
ಒತ್ತಡಕೆ ಸಿಲುಕದಿರಿ ನೀವೆಂದೂ
ಹೋಗಬಹುದು ಸಾವಿನ ಹತ್ತಿರ!
ಕಷ್ಟ ಮೇಲೆ ಮೇಲೆ ಬಂದಾಗ ಎಲ್ಲಾ
ಖಾಲಿ ಅನಿಸೋದು ಸಹಜ,
ಮನಸು ಮಾಡಿದಲ್ಲಿ ಏನು ಬೇಕಾದ್ರೂ
ಸಾಧಿಸಬಹುದು ನೀ ಮನುಜ!
-ಸ್ವರು
No comments:
Post a Comment